సమావేశాలకు వస్త్రధారణ: సదస్సులకు వచ్చేవాళ్ళు అందరూ (అంటే నిర్వాహకులు సదస్సులు వక్తలు ప్రతినిధులు) మన అచ్చమైన తెలుగుతనం ఉట్టిపడేలా మగవారు - పంచె కచ్చు (లుంగీలు కాదు) + చొక్కా/లాల్చీ/జుబ్బాలతో మరియు ఆడవారు- చీర జాకెట్ లో వస్తే ఈ సమావేశాలు నిజంగా తెలుగువారి ఉత్సవాల లోగిళ్ళుగా మారతాయి.
పంచె కట్టు అలవాటు లేని వారికి - సిద్ధం చేసి ఉంచిన (పైజామా లాగా తొడుక్కోవడానికి వీలైన) వస్త్రాలు దొరుకుతాయి. వీలైనంత వరకు అందరూ ఈ వస్త్రధారణా నియమాలని ఈ రెండు రోజులు పాటిస్తే ఎంతో అందంగా, హుందాగా ఉంటుంది. ఒక్కసారి సహాకరించమని అందరికీ విజ్ఞప్తి. కనీసం వక్తలు, బా నిర్వాహకులకు మాత్రం ఇది కచ్చితంగా అమలు చేసి ఆదర్శంగా నిలవాల్సిన నియమంగా గ్రహించమని ప్రార్థన! పెద్దలు అమలు చేస్తే రెండోరోజుకైనా సదస్యులు/ప్రతినిధులు అందరూ పాటించే అవకాశం ఉంటుందని ఆశ! మరొక్కసారి అందరికీ విన్నపాలతో....